Жеңілмеген қазақстандық Нұрсұлтанов "Rukh Team" командасының құрамына енді

Бокс 04 қара 2024 08:31

Дамир Кошечкин

sports24 сарапшы

31 жастағы жеңілмеген қазақстандық боксшы Мейірім Нұрсұлтанов кәсіпкер және меценат Кеңес Рақышев негізін қалаған "Rukh Team" спорттық командасының құрамына енді.

"Мейірім боксшылар отбасынан шыққан. Боксшының үлкен ағасы - Мерей Ақшалов - әуесқойлар арасындағы әлем чемпионы, Бейжіңдегі Олимпиаданың қатысушысы және қазіргі кезде белгілі спорт функционері

Кәсіпқойларда өнер көрсеткен Мейірім орта салмақта 20 жеңісті жекпе-жек өткізді (11КО). Ол мықты бокс ұйымдарында үздік орындарға ие.

Алдағы уақытта Мейірім Нұрсұлтанов чемпиондық белбеу үшін жекпе-жек өткізе алады деп сенеміз, осыған байланысты мен және "Rukh Team" кәсіби спорт клубы оған қолдау көрсетеді. Біздің басты міндетіміз - боксшыларымызды қолдау және Қазақстанды бокс елі ретінде бүкіл әлемге дәріптеу", - деп жазды Рақышев Facebook парақшасында.

Кәсіпкер және меценат Кеңес Рақышев құрған "Rukh team" спорт клубында басқа да танымал қазақстандық спортшылар бар: Жәнібек Әлімханұлы, Данияр Елеусінов, Батыр Жүкембаев, Жалғас Жұмағұлов, Дамир Исмағұлов, Бекзат Алмахан және Азат Мақсұм.