WBC Карлос Адамес пен Мейірім Нұрсұлтанов арасында келіссөз бастауды бұйырды

Бокс 03 сәу 2025 01:23

Наурызбай Қанатұлы

WBC орта салмақтағы әлем чемпионы Карлос Адамеске міндетті қарсылас – Мейірім Нұрсұлтановпен жекпе-жек өткізу туралы келіссөз жүргізуді тапсырды. Тараптарға 6-мамырға дейін уақыт берілді.

Егер Адамес Нұрсұлтановпен келісімге келе алмаса, WBC 6 мамырда промоутерлік сауда өткізеді.

Бұл – боксшылардың командалары жекпе-жек үшін сыйақы қорының мөлшерін ұсынатын рәсім. Кім көп сома ұсынса, сол жекпе-жекті ұйымдастыру құқығына ие болады.

30 жастағы Адамес (24-1-1, 18 KO) 2022 жылдың қазан айында WBC-дің уақытша титулын жеңіп алды, ал 2024 жылдың мамырында толыққанды чемпион болып жарияланды. Доминикандық боксшы бұл титулын үш рет қорғаған.

31 жастағы қазақстандық боксшы Мейірім Нұрсұлтанов (20-0, 11 KO) 2023 жылдың қарашасынан бері жекпе-жек өткізбеді. Қазіргі уақытта WBC рейтингінде бірінші орында тұр.

Карлос Адамес қазақстандық Жәнібек Алимханулының Сауль «Канело» Альвареспен жекпе-жек өткізуге деген ниетіне жауап қайтарды