Усиктің диетологы Қазақстан бокс федерациясының жаңа жаттықтырушылар штабына қосылды

Бокс 20 қыр 2024 14:24

Аружан Темірбек

sports24 сарапшы

Қазақстан бокс федерациясының (ҚФБ) баспасөз қызметі ұлттық құрамамен жұмыс істейтін мамандардың жаңартылған құрамын ұсынды.

Атақты кәсіпқой боксшылармен жұмыс істеу тәжірибесі бар диетологқа ерекше көңіл бөлінді.

“Командаға бұрын Александр Усик, Василий Ломаченко, Теофимо Лопес, Теренс Кроуфорд сынды боксшылардың және басқа да жүздеген кәсіпқойлардың диетологы болып жұмыс істеген Александр Фока көмектеседі”, - деп хабарлайды ҚБФ

Қазіргі таңда бапкерлік штабта қызмет жасайтын мамандар:

- Қайрат Сатжан — бас бапкер;
- Асқар Еркебаев — аға жаттықтырушы;
- Ильяс Оралбеков;
- Нұркен Андасов;
- Азамат Макажанов;
- Талғатбек Жакпеков;
- Нұржан Насанов.