Усик Фьюри жайлы: “Ол менің ең жақын досыма айналды. Мен бұл адамды ерекше құрметтеймін”

Бокс Кеше 21:08

Аружан Темірбек

sports24 сарапшы

Суперауыр салмақта WBC, WBA және WBO тұжырымдары бойынша әлем чемпионы Александр Усик Тайсон Фьюриге қатысты әсерлі пікір білдірді. Еске сала кетейік, реванштық жекпе-жекте Усик төрешілердің бірауыздан қабылдаған шешімімен айқын жеңіске жетті.

“24 раундтан кейін Фьюриге деген сезімім қандай? Ол менің ең жақын досыма айналды. Мен бұл адамды ерекше құрметтеймін. Ол – керемет мықты қарсылас. Фьюри мені күшті етті. Ол тек дене бітімімен ғана емес, рухымен де мықты. Әрине, ол көп сөйлейді, бірақ бұл – тек шоудың бір бөлігі. Мен оны шын жүректен құрметтеймін. Тыңдаңыздар, біз 24 раунд шайқастық… Бұл енді тарихқа айналды,” – деді Усик баспасөз мәслихатында.

Айта кетейік, Усик пен Фьюри арасындағы алғашқы жекпе-жек 2024 жылдың мамырында өткен болатын. Сол кездесуде Александр төрешілердің шешімімен жеңіске жеткен еді.

Тайсон ФЬЮРИ: "Мен екі жекпе-жекте де жеңіске жеттім деп есептеймін".