Қуат Хамитов кәсіпқой бокстағы дебюттік жекпе-жегінде белбеуді қанжығасына байлады

Бокс 28 қыр 2024 14:18

Аружан Темірбек

sports24 сарапшы

Қазақстандық аралас жекпе-жек (ММА) шебері Қуат Хамитов кәсіби бокстағы алғашқы кездесуін жерлесі Нұрберген Шәріповке қарсы өткізіп, жеңіспен аяқтады.

Бұл жекпе-жек Алматыдағы турнирдің екінші басты оқиғасы болды және алты раундқа созылды. Хамитов төрешілердің бірауыздан шығарған шешімімен (60-54, 58-56, 59-55) жеңіске жетіп, WBC All Star Boxing белбеуін қанжығасына байлады. Сонымен қатар, жекпе-жекке Шәріповтың жеке көлігі тігілген болатын.

36 жастағы Хамитов үшін бұл кәсіби бокстағы дебют болды. ММА-да оның есебінде 24 жеңіс, 9 жеңіліс және 1 тең нәтиже бар. Ал 33 жастағы Шәріпов та кәсіби бокста алғаш рет өнер көрсетті, ММА-да ол 12 жеңіске жетіп, 3 мәрте жеңілген.