Теміртас Жүсіпов IBA-ның чемпиондар түні турнирінің финалында өнер көрсетеді

Бокс Кеше 00:05

Асылхан Тоқсанбек

sports24 сарапшы

Қазақстандық боксшы Теміртас Жүсіпов 12 желтоқсанда Бахрейнде өтетін "IBA-ның чемпиондар түні" кәсіби бокс турнирінің финалында өнер көрсетеді.

48 келіге дейінгі салмақтағы шешуші жекпе-жекте Жүсіпов IBA нұсқасы бойынша кәсіби бокстан чемпион атағы үшін бақ сынайды. Оның қарсыласы әзірге жарияланбады.

Қазан айында Теміртас Жүсіпов Каракоза Абдалиевтің құрметіне өткізілген халықаралық бокс турнирінде жеңіске жетіп, 2024 жылғы Азия чемпионатына жолдаманы жеңіп алды.

Сонымен қатар, "IBA-ның чемпиондар түні" финалына қатысу үшін боксшы континенттік чемпионатқа қатысудан бас тартты, оның орнына Санжар Ташкенбай қатысады. Бұл туралы Қазақстан ұлттық құрамасының бас бапкері Қайрат Сәтжанов хабарлады.