Тайсон Фьюри Усикпен реванш қарсаңында қазақстандық боксшыдан көмек сұрады
WBC тұжырымы бойынша супер ауыр салмақтағы бұрынғы әлем чемпионы Тайсон Фьюри (34-1-1, 24 КО) қазақстандық боксшы Жан Кособуцкиймен (19-1, 18 КО) спарринг өткізді.
Майкл Бенсон Х әлеуметтік желісінде Тайсон Фьюри бүгін Жан Кособуцкиймен спарринг өткізетінін, бұл дайындық реваншы алдында болып жатқанын жазды.
Естеріңізге сала кетейік, Фьюри 21 желтоқсанда Эр-Риядта (Сауд Арабиясы) украиндық боксшы Александр Усикпен (22-0, 14 КО) реванш өткізеді. Олардың алғашқы кездесуінде 18 мамырда Усик жеңіске жетіп, әлемнің абсолютті чемпионы атанды. Бірақ кейін Александр IBF белдігін босатуға шешім қабылдады.
Айта кету керек, Кособуцкий рингке соңғы рет өткен жылы шыққан болатын. Ол Ефе Аджагбомен өткен боюда дисквалификацияға ұшыраған.
Басқа спорт түрлері
Бүгін 02:01
