Тайсон Фьюри Александр Усиктің мансабына нүкте қоюға дайын: "Осы жекпе-жектен кейін сіздер оның атын естімейтін боласыздар"

Бокс Бүгін 02:42

Аружан Темірбек

sports24 сарапшы

Ауыр салмақтағы WBC тұжырымы бойынша бұрынғы әлем чемпионы Тайсон Фьюри WBC, WBA және WBO белбеулерінің иегері украиналық Александр Усикпен алдағы реванш жекпе-жегі туралы өз ойын білдірді.

“Мен оның мансабына нүкте қоямын, бұған күмәніңіз болмасын. Осы жекпе-жектен кейін сіздер оның атын естімейтін боласыздар. Егер қазір бұл айқасты өткізуге мүмкіндік болғанда, мен жеңіске жетіп, дереу үйге қайтып кетер едім. Бұл өте ұзақ әрі ауыр дайындық кезеңі болды. Үш ай бойы балаларым мен әйелімді көрмедім. Тіпті осы уақыт аралығында әйеліммен бір ауыз сөз сөйлеспедім. Бұл жекпе-жек үшін мен көп нәрсені құрбан еттім. Осыған тұра ма? Әрине, жүз пайыз”,— деді Фьюри Queensberry Promotions-қа берген сұхбатында.

Усик пен Фьюридің реваншы 22 желтоқсанда Сауд Арабиясының Эр-Рияд қаласында өтеді. Айта кетейік, олардың алғашқы жекпе-жегінде украиналық боксшы төрешілердің бөлінген шешімімен жеңіске жеткен болатын.

Тайсон Фьюри Усикті реваншта нокаутқа жіберемін деп уәде берді