Садриддин Ахмедов шаршы алаңға желтоқсан айында қайта оралады

Бокс 21 қаз 2024 03:10

Аружан Темірбек

sports24 сарапшы

Бірінші орта салмақта өнер көрсететін қазақстандық боксшы Садриддин Ахмедов (14-0, 12 КО) 13 желтоқсанда рингке оралуға дайындалуда.

Ол АҚШ-тың Калифорния штатындағы Санта-Инез қаласында өтетін бокс кешіне қатысады. BoxRec.com мәліметіне сәйкес, Садриддиннің қарсыласы америкалық Рафаэль Игбокве (17-5, 7 КО) болмақ. Жекпе-жек 10 раундқа жоспарланған.

Шоудың промоутері ретінде Геннадий Головкинмен ұзақ жылдар бойы жұмыс істеген Том Леффлер (360 Promotions) тағайындалды.

Айта кетейік, 31 тамызда Садриддин Ахмедов АҚШ-тағы рингте дебют жасап, осы қалада жергілікті боксшы Антонио Тоддты (17-11, 9 КО) бірінші раундта нокаутқа жіберді.