Садриддин Ахмедов 2024 жылды АҚШ-та жарқын жеңіспен аяқтады

Бокс Бүгін 01:08

Аружан Темірбек

sports24 сарапшы

26 жастағы Садриддин Ахмедов (15-0, 13 КО) бокс кешінің басты жекпе-жегінде америкалық Рафаэль Игбоквемен (17-6, 7 КО) кездесті. Бірінші орта салмақта өткен жекпе-жек он раундқа жоспарланғанымен, жетінші раундта Садриддиннің техникалық нокаут арқылы жеңісімен аяқталды.

Осылайша, Ахмедов кәсіби мансабындағы он бесінші жеңісіне қол жеткізді, ал Игбокве алтыншы рет жеңіліске ұшырады. Бұл Садриддиннің 2024 жылғы екінші жекпе-жегі болды. Бұған дейін тамыз айында ол америкалық Антонио Тоддты (17-12, 9 КО) бірінші раундта нокаутқа түсірген еді.

Айта кетейік, Садриддин бұған дейін де Санта-Инезе рингіне шыққан болатын. 31 тамызда ол АҚШ-тағы алғашқы жекпе-жегінде қарсыласын бірінші раундта нокаутқа жіберген.

Рафаэль Игбокве 2021 жылы болашақ уақытша әлем чемпионы Сергей Богачукпен кездесіп, мерзімінен бұрын жеңілгеннен кейін спорттан бір жарым жыл үзіліс алды. Қайта оралғаннан кейін ол болашақ WBA чемпионы Исраил Мадримовпен он раундтық жекпе-жек өткізіп, оның титулдық айқасқа жолдама алуына мүмкіндік берді.