Сабыржан Аққалықов алғаш рет бокстан Қазақстан чемпионы атанды

Бокс Бүгін 07:34

Азат Максутбек

sports24 сарапшы

Қарағандыда бокстан ерлер мен әйелдер арасындағы Қазақстан чемпионаты аяқталды.

71 келіге дейінгі салмақ дәрежесіндегі финалдық жекпе-жекте ерлер арасында Сабыржан Аққалықов пен Фарух Тоқтасын кездесті.

Сабыржан Аққалықов пен Фарух Тоқтасынның арасындағы кездесу өте шиеленісті өтіп, жеңімпаз тек шешуші раундтың нәтижесі бойынша анықталды. Сабыржан Аққалықов ересектер санатында 2-ші рет Қазақстан чемпионатының финалына шығып, ақыры алтын жүлдені иеленді.

“2-ші раундтан кейін тең түсіп тұрдық. Үзіліс кезінде бапкерім тағы да күш салуымды сұрады. Мінезімнің арқасында бірінші рет Қазақстан чемпионы атандым”, - деп бөлісті Сабыржан.