Сабырхан, Нұрлан Сапарбай және Қызайбай Қазақстан чемпионы атанды

Бокс Кеше 02:30

Богдан Писаренко

sports24 сарапшы

Ерлер мен әйелдер арасындағы бокстан Қазақстан чемпионатында финалдық жекпе-жектер өтпей жатып-ақ үш чемпион анықталды.

Қазақстан Бокс Федерациясының хабарлауынша, ерлер арасында 67 келі салмақ дәрежесінде чемпион Төрехан Сабырхан атанды. Оның финалдағы қарсыласы Санатәлі Төлтаев денсаулығына байланысты жекпе-жектен бас тартты.

Сол сияқты, ерлер арасында 92+ келі салмақта да финал өткізілмейді. Бұл салмақта рингте екі туған бауыр – Нұрлан және Данияр Сапарбай кездесуі тиіс болған. Чемпиондық атақ Нұрлан Сапарбайға бұйырды.

Әйелдер арасында 48 келі салмақта да қарсыласының жекпе-жектен бас тартуына байланысты Назым Қызайбай Қазақстан чемпионы атанды.