РЕСМИ: Хамза Шираз WBC чемпионы атағы үшін Карлос Адамеспен кездеседі
Ұлыбританиялық боксшы Хамза Шираз орта салмақтағы WBC нұсқасы бойынша әлем чемпионы атағына таласуға ресми түрде мүмкіндік алды. Оның қарсыласы белдіктің қазіргі иегері, Доминикан Республикасының өкілі Карлос Адамес болмақ.
Жекпе-жек 2024 жылдың 22 ақпанында Сауд Арабиясында өтетін ауқымды бокс кешінің аясында ұйымдастырылады. Бұл шара әлем боксының басты оқиғаларының біріне айналмақ, себебі дәл осы күні Дмитрий Бивол мен Артур Бетербиев арасындағы реванш та өтеді.
25 жастағы Хамза Шираз орта салмақтағы болашағынан үміт күттіретін боксшылардың қатарында. Оның мінсіз статистикасында 18 жеңіс (оның 14-і нокаутпен) және бірде-бір жеңіліс жоқ. Бұл жекпе-жек Шираз үшін беделді титулды жеңіп алуға ғана емес, әлемдік аренадағы орнын нығайтуға да үлкен мүмкіндік болмақ.
Ал Карлос Адамес өз кезегінде мол тәжірибесімен және қауіпті стилімен ерекшеленеді. Ол WBC белбеуін бірнеше рет қорғап, өзінің жоғары деңгейін дәлелдеген.
Айта кетейік, Хамза Шираз бұл титулды жекпе-жекке дайындалу үшін қазақстандық боксшы Жәнібек Әлімханұлымен кездесуден бас тартты.
РЕСМИ: Бетербиев Бивол арасынадғы екінші кездесу күні жарияланды.
