Олимпиада чемпионы Данияр Елеусінов WBC Peace белбеуін жеңіп алды

Бокс 28 қыр 2024 14:48

Қазақстандық боксшы Данияр Елеусінов ұзақ үзілістен кейін кәсіпқой рингке оралып, 2021 жылдан бергі алғашқы жекпе-жегінде филиппиндік Джо Нойнайды жеңді.

Алматыда өткен All Stars Boxing бокс кешінде қазақстандық боксшы филиппиндік Джо Нойнайды (23-5-2, 11 КО) бесінші раундта техникалық нокаутпен жеңіп, WBC Peace белбеуінің иегері атанды.

Бұл жеңіс Елеусіновтің кәсіби мансабындағы 12-ші жеңісі болды. Ал Джо Нойнай өз мансабында бесінші рет жеңіліске ұшырады.

Айта кетейік, бұл Даниярдың 2021 жылдың желтоқсанында аргентиналық Хуан Эрнан Леалді (15-4-1, 4 КО) төрешілердің бірауызды шешімімен жеңіп, IBO нұсқасы бойынша жартылай орта салмақта Әлем чемпионы атанғаннан кейінгі алғашқы жекпе-жегі.

Естеріңізге сала кетейік, Данияр Елеусінов (12-0, 7 КО) -2016 жылғы Олимпиада ойындарының чемпионы, 2018 жылы кәсіби боксқа ауысқан.

Танымал жаңалықтар