Назым Қызайбай чемпионаттағы мерзімінен бұрынғы жеңісінің сырымен бөлісті

Бокс Бүгін 03:04

Марлен Аманов

sports24 сарапшы

Париж Олимпиадасының қола жүлдегері Назым Қызайбай бокстан Қазақстан чемпионатындағы жеңісімен ой бөлісті, деп хабарлайды SPORT+.

"Мен өте қуаныштымын, бүгін Қазақстан чемпионы атағын 14-рет жеңіп алдым. Бұл салмақта өзімді сенімді әрі жайлы сезінемін, сондай-ақ екі мәрте әлем чемпионы болдым. Ал финалдық кездесуге келер болсақ, қарсыласым Ақбота ауыр гематомасына байланысты шаршы алаңға шыға алмады, дәрігерлер оған рұқсат берген жоқ", – деді Қызайбай.

Айта кетейік, жартылай финалдық кездесуде Назым, Жетісу облысының өкілі Әнел Құдайбергенмен жұдырықтасты.

Назым Қызайбай мен Төрехан Сабырхан Қазақстан чемпионатының үздік боксшылары атанды.