“Мен соңғы үш раундта жеңдім”: Фьюри Усикпен жекпе-жектен кейін эмоцияға толы пікір білдірді

Бокс Кеше 19:38

Дамир Кошечкин

sports24 сарапшы

Әлемнің бұрынғы чемпионы, британдық Тайсон Фьюри (34-1-2, 24 КО) WBC, WBO, WBA және IBO титулдарының иегері, украиналық Александр Усикпен (23-0, 14 КО) реванштық жекпе-жектен кейін алғашқы пікірін білдірді.

Жеңілістен кейін Фьюри флеш-сұқбат беруден бас тартқанымен, тілшілер оны киім ауыстыратын бөлмеге бара жатқан жолында тоқтатып, бірнеше сөз айтуына қол жеткізді.

“Мен соңғы үш раундта жеңдім”, - деді Фьюри.

Айта кетейік, Тайсон жекпе-жек нәтижесі жарияланғаннан кейін бірден рингтен шығып кетті.

Еске салсақ, Усик пен Фьюри рингте толық 12 раунд өткізді. Екі боксшы да керемет өнер көрсетті, бірақ ұпай санымен украиналық жеңіске жетті.