Майк Тайсон Джейк Полға қарсы жекпе-жек жайлы: "Қарсыласым оңай болмады"

Бокс Бүгін 01:59

Аружан Темірбек

sports24 сарапшы

Бұрынғы абсолютті Әлем чемпионы Майк Тайсон Джейк Полмен жекпе-жектегі жеңілісіне қатысты пікірін білдірді.

“Өзімнің өнер көрсетуіме ризамын. Қарсыласым оңай болмады, бірақ ол нағыз боксшы екенін дәлелдеді және көрермендердің құрметіне лайық. Мен ешкімге ештеңені дәлелдегім келген жоқ, маған маңыздысы — рингке шығу мүмкіндігі еді. Пол — мықты қарсылас”, — деді Тайсон.

Мансабының аяқталуы жайлы сұраққа Тайсон былай деп жауап берді:

“Бәрі жағдайға байланысты. Бүгін соңғы жекпе-жегім өтті деп ойламаймын”.

Айта кетейік, жекпе-жек ресми мәртебеге ие болды және сегіз раунд, әрқайсысы екі минуттан өтті. Кездесу нәтижесінде Джейк Пол төрешілердің бірауызды шешімімен 79-73 есебімен жеңіске жетті.