Головкин мәңгілік бокс тарихында: американдық жаттықтырушы қазақстандық жайлы жылы сөздер айтты

Бокс Бүгін 06:27

Аружан Темірбек

sports24 сарапшы

Америкалық бапкер Головкин мен Альварес арасындағы трилогия туралы айтып, Головкинді тарихтағы ең ұлы боксшылардың бірі деп атады.

Андре Розье, Геннадий Головкинмен жекпе-жекке шыққан бірнеше боксшының бапкері ретінде, қазақстандық экс-чемпион туралы әсерлерімен бөлісіп, оның спорттық мұрасына баға берді.

Розье GGG-дің шеберлігін, төзімділігін және соққысының күшін жоғары бағалады:

“Оның джебі керемет еді, соққыны жақсы қабылдайтын, ал соққысының күші таңғаларлық болатын. Ол барлық қасиеттерді бойына жинаған фантастикалық боксшы әрі сөзсіз Даңқ Залының мүшесі”.

Сондай-ақ, бапкер Головкин мен Сауль “Канело” Альварес арасындағы трилогияға қатысты пікір білдірді:
• Бірінші жекпе-жек (2017): “Меніңше, ол бірінші жекпе-жекте жеңіске жетті”.
• Екінші жекпе-жек (2018): “Екінші жекпе-жекте тең нәтиже болды”.
• Үшінші жекпе-жек (2022): “Ол жеңілді. Ол кезде бәрі аяқталған еді”.

Айта кетейік, бірінші жекпе-жек даулы тең нәтижемен аяқталса, екіншісінде көпшілік шешімімен жеңіс Альвареске берілді, ал үшінші кездесуде Канело бірауыздан жеңімпаз деп танылды.

Розье Головкиннің Сергей Деревянченкомен болған жекпе-жегі туралы да пікір білдірді:

“Сергей сол жекпе-жекте сөзсіз жеңіске жетті, бірақ жеңіс оған берілген жоқ. Сол жекпе-жектен кейін екеуі де ауруханаға түсті, ал Головкин қатты соққы алды”.

Төрешілердің кейбір шешімдерін сынға алғанына қарамастан, Розье Головкинді ұлы боксшы деп мойындады:

“Ол әрдайым сыйластық танытатын. Тарихқа Даңқ Залының мүшесі ретінде енген фантастикалық спортшы”.

Айта кетейік, Геннадий Головкин мансабын 42-2-1 (37 нокаут) рекордымен аяқтап, өз дәуіріндегі ең мықты орта салмақ боксшыларының бірі ретінде тарихқа енді.

2023 жылғы Азия ойындары: Қазақстан допинг дауынан кейін қосымша медаль алды.