«Дауыл алдындағы тыныштық»: Әлімханұлы Адамеспен өтетін біріктіруші жекпе-жекті күтіп жүр
IBF және WBO тұжырымдары бойынша орта салмақтағы әлем чемпионы Жәнібек Әлімханұлы алдағы жекпе-жегінің жақын арада өтпеуі мүмкін екенін аңғартты. Дегенмен, оның көздеген мақсаты бұрынғыдай – абсолют чемпион атағы.
Қазақстандық былғары қолғап шебері әлеуметтік желіде чемпиондық белбеулерін көрсеткен суретін жариялап, оған былай деп жазды:
«Бұл суретте бірнәрсе жетіспей тұр! Тағы екі чемпиондық белбеу жоқ! Құдай қаласа, бұл кемшілікті түзейміз! Әзірге – бұл дауыл алдындағы тыныштық қана».
Бұл жазба арқылы Жанибек біріктіруші жекпе-жекке дайын екенін жеткізді. Алайда, оның ұйымдастырылуы түрлі себептермен кейінге шегеріліп жатқан сыңайлы. Промоутерлік тарап әзірге нақты қадамдарға барған жоқ, ал боксшының өзі WBC белбеуінің иесі, доминикандық Карлос Адамеспен кездесуді көптен бері мақсат етіп келеді.
Айта кетейік, Жәнібек соңғы жекпе-жегін 5 сәуір күні Астанада өткізген болатын. Кештің басты кездесуінде ол француз қарсыласы Анауэль Нгамиссенгені жекпе-жектің екінші жартысында нокаутпен ұтып, IBF және WBO титулдарын сәтті қорғап қалған еді.
