Даниял Райымбеков жастар арасындағы Әлем чемпионатында күміс жүлдеге ие болды

Бокс 02 қара 2024 00:48

Аружан Темірбек

sports24 сарапшы

АҚШ-тың Колорадо штаты, Пуэбло қаласында өтіп жатқан 19 жасқа дейінгі жастар арасындағы бокстан Әлем чемпионатында қазақстандық Даниял Райымбеков валиялық боксшы Томас Питт Дэниелмен “алтын” үшін сынға түсті.

85 келіге дейінгі салмақ дәрежесіндегі финалдық жекпе-жекте Уэльс өкілі төрешілердің бірауыздан шығарған шешімімен 5:0 есебімен жеңіске жетті. Осылайша, Томас Питт Дэниел турнирдің чемпионы атанып, алтын медаль иеленді, ал Даниял Райымбеков күміс жүлдені қанжығасына байлады.

Айта кетейік, Қазақстан атынан финалға 65 келіге дейінгі салмақта Асылхан Көшербай да шықты.