Бек Нұрмағанбет мексикалық қарсыласымен жекпе-жек алдында салмақ өлшеу рәсімінен сәтті өтті

Бокс 25 қаз 2024 10:15

Аружан Темірбек

sports24 сарапшы

Қазақстандық боксшы Бек Нұрмағанбет Калифорния штатының Сан-Хасинто қаласында өтетін бокс кешінде мексикалық Хоакин Мурриета Лусиоға қарсы жекпе-жек алдында салмақ өлшеу рәсімінен сәтті өтті.

Нұрмағанбеттің салмағы 77,83 кг болса, Лусионың салмағы одан жеңілдеу — 76,38 кг болды.

Турнир 26 қазан күні таңертең өтеді, ал жекпе-жек сегіз раундқа жоспарланған. Нұрмағанбет соңғы жекпе-жегін 15 қыркүйекте өткізіп, америкалық Джошуа Конлиді техникалық нокаутпен жеңген болатын.