Батыр Жүкембаевқа лайықты қарсылас табылды
Бокс сарапшысы әрі LDUBB Boxing YouTube арнасының авторы Буг Уильямс Қазақстандық боксшы Батыр Жүкембаевқа (23-1, 17 КО) болашақ қарсыласын атады.
Уильямстың пікірінше, Батыр Жүкембаевтың болашақ қарсыласы — америкалық Гэри Антуан Расселл (17-1, 17 КО), ол жақында WBA ұйымының бірінші полусредний салмақтағы топ-5 рейтингінің қатарына енді.
“Гэри Антуан Расселл жаңа WBA рейтингінде 140 фунт салмақта төртінші орынға шықты. Сонымен қатар, ол WBC ұйымы бойынша Альберто Пуэльо мен Сандор Мартин арасындағы жекпе-жектің жеңімпазы үшін міндетті үміткер атанды. Расселлдің 11-орындағы солақай Батыр Жүкембаевпен немесе 15-орында тұрған Батыр Ахмедовпен кездесуі керемет болар еді”, — деп жазды ол Х әлеуметтік желісінде.
Еске салсақ, Батыр Джукембаев өзінің соңғы жекпе-жегін 2024 жылдың 22 мамырында Флорида штатының Плант-Сити қаласында өткізді. Сол кездесуде ол украиналық Иван Редкачты (24-8-1, 19 КО) бесінші раундта нокаутқа түсірген болатын.
Футбол
Бүгін 07:38
Басқа спорт түрлері
Бүгін 05:25
ММА
Бүгін 03:20