Азия чемпионаты: Оразбек Асылқұлов рингті бағындырып, жартылай финалға шықты
Таиландта өтіп жатқан Азия чемпионатында 57 кг салмақ дәрежесінде сынға түскен Оразбек Асылқұлов ширек финалда таиландтық Пануват Чожан-Атты төрешілердің шешімімен жеңіп, жартылай финалға өтті.
Айта кетейік, Оразбек Асылқұлов бұл турнирдегі алғашқы жекпе-жегінде малайзиялық Зулхайлан Мохамадты екінші раундта техникалық нокаутпен жеңген болатын.
Бүгін, 5 желтоқсанда, тағы бес қазақстандық боксшы шаршы алаңға шығады:
• Ерлер арасында:
• Бейбарыс Жексен тәжістандық Акмал Убайдовпен,
• Ерасыл Жақпеков қырғызстандық Сағын Сатыбалды Уулумен жұдырықтасады.
• Әйелдер арасында:
• Жазира Орақбаева тайбэйлік Луо Ю Тинмен,
• Ұлжан Сәрсенбек вьетнамдық Нгуен Хуен Чанмен,
• Виктория Графеева тайбэйлік Е Чен-Сюаньмен қолғап түйістіреді.
Азия Чемпионатының бесінші күнінің қорытындысы: Қазақстан жоғары дәрежеде өнер көрсетуде.
