Қазақстанның бокс құрамасында өзгерістер: Лос-Анджелес Олимпиадасы алдында кадрлық өзгерістер мен жаңа стратегия
Париждегі Олимпиададағы сәтсіз өнер көрсетуден кейін Қазақстанның бокс құрамасында елеулі өзгерістер орын алды, деп хабарлайды Orda.kz.
2028 жылы Лос-Анджелесте өтетін ойындарға команда қалай дайындалып жатқанын Туризм және спорт вице-министрі Серік Жараспаев айтып берді.
Оның айтуынша, қателіктермен жұмыс жүргізіліп, кадрлық ауыс-түйістер жасалған, жаттықтырушылар штабы жаңартылған, ал Бокс федерациясын енді бизнес саласында тәжірибесі бар, жас әрі болашағы зор басшы басқарады. Жараспаевтың пікірінше, бұл өзгерістер құраманы жаңа деңгейге көтеруге және өткен сәтсіздіктерді қайталамауға мүмкіндік береді.
«Париждегі соңғы Олимпиада ойындарында біздің нәтижелеріміз күткен деңгейден алшақ болды. Осыған байланысты біз терең талдау жүргізіп, бірқатар кадрлық өзгерістер енгіздік. Атап айтқанда, Бокс федерациясының басшылығына бизнес құрылымдарында тәжірибесі бар, болашағы зор жас басшы келді. Ол жаңа қызметінде өзін жақсы қырынан көрсетіп үлгерді. Жаңартылған жаттықтырушылар штабы мен бұрынғы қателіктерді ескере отырып, біз Лос-Анджелес ойындарына мүлде жаңа форматта дайындаламыз», — деп мәлімдеді Жараспаев.
Жараспаевтың сөзінші, бокс саласының халықаралық деңгейде дамуына аты аңызға айналған қазақстандық спортшы Геннадий Головкин зор үлес қосуда – ол Халықаралық Олимпиада комитетінің Атқару комитетінің мүшесі. Қазіргі таңда ұлттық құраманың құрамы толық жасақталған, ал бокс 2028 жылғы Олимпиада ойындарының бағдарламасында ресми түрде қала береді.
Олимпиадаға дайындықпен қатар, Қазақстан құрамасы ерлер мен әйелдер арасында WBO және WBC нұсқалары бойынша өтетін алғашқы әлем чемпионатына қатысады. Бұл жарыс қыркүйек айында Қырғызстанда өтеді.
Қазақстан спорттағы радикалды көріністерге бақылауды күшейтеді.
Футбол
Бүгін 16:00
