Қазақстандық боксшылар WBA жаңа рейтингінде позицияларын сақтап қалды
WBA ұйымының жаңартылған рейтингі жарияланды.
Қазақстандық боксшылардың рейтингтегі орындары:
• Аса ауыр салмақ: Иван Дычко 14-орнын сақтап қалды. Бұл салмақтағы WBA “суперчемпионы” атағын украиналық Александр Усик иеленуде. Рейтингтің үздік үштігіне Мартин Баколе (Конго Демократиялық Республикасы), Тайсон Фьюри (Ұлыбритания) және Майкл Хантер (АҚШ) кіреді.
• Екінші орта салмақ: Бек Нұрмағанбет 9-орында қалды. Бұл салмақтағы негізгі чемпиондық белбеу мексикалық Сауль “Канело” Альвареске тиесілі. Рейтингтің көшбасшылары: француз Кристиан Мбилли, гватемалалық Лестер Мартинес және мексикалық Хайме Мунгия.
• Бірінші жартылай орта салмақ: Батыр Жүкембаев 11-орынды сақтап тұр. Жанқош Тұраров WBA Gold чемпионы атағына ие. Бұл салмақтағы рейтинг көшбасшысы – жапондық Энди Хираока. Екінші орында – америкалық Кеннет Симс-кіші, ал үшінші орында – мексикалық Исаак Крус.
• Екінші жеңіл салмақ: Сұлтан Зауырбек рейтингтің үшінші орнын сақтап қалды. Оның алдында грузиялық Отар Ераносян мен әзербайжандық Эльнур Самедов тұр. Бұл салмақтағы WBA әлем чемпионы атағын америкалық Ламонт Роуч-кіші иеленуде.
Алуа Балқыбекова үшін Азия чемпионаты мерзімінен бұрын аяқталды.
