Қазақстандық боксшылар Черногориядағы жастар ӘЧ-да алдын-ала сегіз медальді қамтамасыз етті

Бокс 30 қаз 2024 02:56

Аружан Темірбек

sports24 сарапшы

Қазақстанның жастар құрамасы Черногорияның Будва қаласында өтіп жатқан 2024 жылғы Әлем чемпионатында сегіз медальді қамтамасыз етті. 29 қазанда тоғыз қазақстандық боксшы ширек финалдық жекпе-жектерге қатысты.

Таңғы сессияда төрт спортшымыз ширек финалдан сәтті өтті. Ерлер арасында 48 кг салмақта Диас Берікбай мен 67 кг салмақта Төрехан Сабырхан жартылай финалға жолдама алды. Әйелдер арасында Әнел Әбдрасилова (48 кг) және Аружан Жаңабаева (63 кг) жартылай финалға шығып, кем дегенде қола медальды қамтамасыз етті.

Кешкі сессияда Қазақстан құрамасы тағы төрт жартылай финалистті қосты. Ерлер арасында Санжаралы Бегалиев (75 кг) және Расул Асанханов (92 кг) келесі кезеңге өтті. Әйелдер арасында Толғанай Қасымхан (60 кг) мен Аружан Зейноллаева (81 кг) жартылай финалға жолдама алды. Өкінішке орай, 70 кг салмақтағы Мария Сидоренко ширек финалдан өте алмады.

Осылайша, ширек финалдың алғашқы күнінің қорытындысы бойынша Қазақстанның жастар құрамасы Әлем чемпионатында сегіз медальді түрлі деңгейде қамтамасыз етті.