Қазақстандық боксшы Садриддин Ахмедов әлемдік рейтингтегі орнын жақсартты

Бокс Кеше 23:32

Аружан Темірбек

sports24 сарапшы

Жеңіліс дәмін татпаған қазақстандық кәсіпқой боксшы Садриддин Ахмедов (15-0, 13 КО) Boxrec порталының әлемдік рейтингінде өз орнын айтарлықтай жақсартты.

Америкалық қарсыласы Рафаэль Игбокведі (17-6, 7 КО) мерзімінен бұрын жеңгеннен кейін, Садриддин жартылай орта салмақ дәрежесіндегі үздік боксшылар тізімінде 34-орыннан 27-орынға көтерілді.

Рейтингтің көш басында бұрынғы абсолютті әлем чемпионы, америкалық Теренс Кроуфорд (41-0, 31 КО) орналасқан.

Еске сала кетсек, Садриддин Ахмедов кәсіпқой рингте мүлтіксіз өнер көрсетіп келеді. Оның еншісінде 15 жеңіс бар және оның 13-ін ол нокаутпен аяқтады.