Қазақстандық боксшы қыз жастар арасындағы бокстан әлем чемпионатының финалына шықты

Бокс 31 қаз 2024 13:05

Павлив Никита

sports24 сарапшы

Казахстандық 81 келіге дейінгі салмақ дәрежесінде өнер көрсететін Аружан Зейнуллаева Черногорияның Будва қаласында өтіп жатқан жастар арасындағы бокстан әлем чемпионатының (U-18) финалына шықты. Чемпионат 28-31 қазан аралығында өтуде.

1/2 финал кезеңінде қазақстандық боксшы қыздың қарсыласы польшалық Ханна Юлия Олеш болды. Жекпе-жек Зейнуллаеваның 4:1 есебімен айқын жеңісімен аяқталды.

Айта кетейік, ширек финалдық жекпе-жектер қорытындысы бойынша Қазақстан құрамасы тарихи рекорд орнатты – ерлер және әйелдер құрамасынан 17 боксшы жартылай финалға шығып, кем дегенде әлем чемпионатының “қола” жүлдесіне ие болды.

Қазақстан ұлттық құрамасының жартылай финалистерінің толық тізімі:

Қазақстан ерлер құрамасы:

• 48 кг салмақ дәрежесі: Диас Берікбай
• 51 кг салмақ дәрежесі: Бексұлтан Боранбек
• 57 кг салмақ дәрежесі: Жансерік Көшербаев
• 67 кг салмақ дәрежесі: Торехан Сабырхан
• 71 кг салмақ дәрежесі: Өнер Сейілхан
• 75 кг салмақ дәрежесі: Саңжаралы Бегалиев
• 92 кг салмақ дәрежесі: Расул Асанханов
• 92 кг жоғары салмақ дәрежесі: Аслан Елдібайұлы

Қазақстан әйелдер құрамасы:

• 48 кг салмақ дәрежесі: Әнел Әбдрасилова (мексикалық Валерия Ампаран Писарроға жол берді)
• 50 кг салмақ дәрежесі: Эльнұр Тұрғанова
• 52 кг салмақ дәрежесі: Бақжан Отынбай (қытайлық Чен Ян Фанға жол берді)
• 60 кг салмақ дәрежесі: Толғанай Қасымхан
• 63 кг салмақ дәрежесі: Аружан Жанабаева (ирландиялық Лоулесс Сиофораға жол берді)
• 66 кг салмақ дәрежесі: Ұлдана Таубай
• 75 кг салмақ дәрежесі: Шұғыла Нәлибай
• 81 кг салмақ дәрежесі: Аружан Зейнуллаева (финалға шықты)
• 81 кг жоғары салмақ дәрежесі: Панар Сейітжанқызы