Қауіпсіздік бірінші орында: бокстан Азия чемпионаты Тайландта өтеді
Азия бокс конфедерациясының баспасөз қызметі 2024 жылғы Азия чемпионатының өтетін орны өзгергенін ресми сайтында жариялады.
Бастапқыда жарыстар Иордания астанасы Амманда өтеді деп жоспарланған еді. Алайда “аймақтағы күнделікті өмірге әсер ететін қауіпсіздік себептері” негізінде турнирді басқа орынға ауыстыру туралы шешім қабылданды. Азия чемпионатын ерлер мен әйелдер арасында Тайландтың екінші үлкен қаласы Чиангмай қабылдайды. Турнирдің өткізілу мерзімі өзгеріссіз қалды - 28 қараша мен 12 желтоқсан аралығы. Азия бокс конфедерациясы қатысушыларды орын ауысқанына қарамастан дайындықтарын жоспар бойынша жалғастыруға шақырды.
Сонымен қатар, Қазақстан құрамасының жаттықтырушылар штабына Азия чемпионаты қарсаңында Геннадий Головкиннің бұрынғы бапкері Кристофер Камачо қосылған болатын.
Теннис
Бүгін 11:30
Бокс
Бүгін 09:29
Теннис
Бүгін 08:52