ASBC қазақстандық боксшылардың Әлем чемпионатындағы жетістігін жоғары бағалады

Бокс 11 қара 2024 04:45

Аружан Темірбек

sports24 сарапшы

Азия бокс конфедерациясының (ASBC) баспасөз қызметі қазақстандық спортшылардың Будвада өткен жастар арасындағы Әлем чемпионатындағы жетістіктерін жоғары бағалады.

“Қазақстан құрамасы алты алтын, бір күміс және он қола медаль жеңіп алып, командалық рейтингте көш бастады. Төрт дүркін Азия чемпионы Төрехан Сабырхан турнирдің ең үздік жас боксшысы деп танылды. Сондай-ақ, Елянур Тұрғанова, Бексұлтан Боранбек, Өнер Сейілхан және Санжарәлі Бегалиев жоғары нәтижелерге қол жеткізді”, - деп атап өтті ASBC.

2024 жылдың 22 қазанынан 3 қарашасына дейін Черногорияның Будва қаласында өткен Әлем чемпионатында қазақстандық спортшылар жалпы саны 17 медаль иеленді.