Аружан Жаңабаева Черноргорияда өтіп жатқан турнирдің жартылай финалына шықты

Бокс 29 қаз 2024 15:07

Аружан Темірбек

sports24 сарапшы

Қазақстандық спортшы Аружан Жаңабаева Черногорияның Будва қаласында өтіп жатқан жастар арасындағы бокстан Әлем чемпионатының жартылай финалына сенімді түрде жолдама алды.

63 келіге дейінгі салмақ дәрежесінде Жаңабаева ширек финалда 2023 жылғы Еуропа чемпионы, Польшаның бес дүркін чемпионы Кинга Крувкамен кездесті. Қазақстандық боксшы төрешілердің бірауызды шешімімен жеңіске жетті, ал үшінші раундта рефери оның қарсыласынан бір ұпай алып тастады.

Бұл жеңіс Жаңабаеваға Әлем чемпионатының кем дегенде қола медалін қамтамасыз етті. Аружан 2022 жылы жастар және жасөспірімдер арасында Азия чемпионы, сондай-ақ 2021 жылғы құрлықтық біріншіліктің алтын медалі иегері.