Артур Бетербиев – жартылай орта салмақта абсолютті чемпион атанды

Бокс 12 қаз 2024 18:58

Жартылай ауыр салмақтағы абсолютті чемпиондық атақ үшін Эр-Риядтағы Дмитрий Бивол мен Артур Бетербиев арасындағы бәсекелі жекпе-жек Артурдың жеңісімен аяқталды.

Алғашқы екі раундта боксшылар бір-бірін зерттеді. Бивол әдеттегіден өзгеше тактика қолданып, рингтің ортасын сақтауға тырысты. Үшінші раундтан бастап жекпе-жек белсенді фазаға өтті. Артур қысым көрсетіп, Бивол шегініп, жылдам соққылармен жауап берді. Екеуі де күштерін үнемдеп, раундтардың соңында ғана белсендірек әрекет етті. Бесінші раундтан бастап Бетербиев түрлі деңгейде шабуылдарын сәтті іске асырып, әсіресе денеге соққыларын дәл бағыттап отырды. Жетінші раундтан бастап нағыз айқас басталды. Бивол бірнеше сәтті серия жасап үлгерді, бірақ ол оған кейін ауыр түсті. Артур қарсыласын арқандарға тықсырып, басымдықты қолға алды. Тоғызыншы раундта Бивол өзінің әдеттегі стиліне қайта оралып, керемет аяқ жұмысын көрсетіп, Бетербиевтің шабуылдарынан қашып отырды. Чемпиондық раундтарда Бивол белсенділік танытты, бірақ Артур қарсыласын қайтадан арқандарға тақап, артықшылықты сақтады.

Жекпе-жек төрешілердің бірауызды шешімімен аяқталып, Бетербиевке жеңіс берілді. Ол жартылай орта салмақтағы абсолютті чемпион атағын иеленді.

Танымал жаңалықтар