Антонио Варгас Геррероны жеңіп, WBA-ның уақытша чемпионы атанды

Бокс Бүгін 00:14

Аружан Темірбек

sports24 сарапшы

Кариб Роял Орландо (АҚШ) аренасында өткен басты жекпе-жекте америкалық Антонио Варгас (19-1, 11 КО) никарагуалық Винстон Геррероға (22-1, 13 КО) қарсы шықты. Бұл кездесуде WBA-ның уақытша чемпионы титулы (53,5 кг дейін) сарапқа салынды.

Жекпе-жек қарқынды басталды — бірінші раундта екі боксшы да нокдаунға түсті. Варгас біртіндеп басымдықты өз қолына алып, бірінші нөмірмен жұмыс істеді, ал Герреро қарсы шабуылдарда қиындыққа тап болды. Уақыт өте келе америкалық боксшы қарқынын күшейтіп, басымдығын арттыра түсті.

Оныншы раундта Варгас қарсыласын комбинациямен ұстап, қатты соққы жасады. Төреші жекпе-жекті тоқтатуға мәжбүр болды. Осылайша, Антонио Варгас техникалық нокаутпен жеңіске жетіп, WBA-ның уақытша чемпионы атанды.