Александр Усик пен Тайсон Фьюри жекпе-жегінің төрешілердің берген бағасы

Бокс Кеше 19:30

Аружан Темірбек

sports24 сарапшы

Эр-Риядта қазіргі заманның екі мықты ауыр салмақ боксшысы — Александр Усик пен Тайсон Фьюри арасындағы көптен күткен екінші жекпе-жек өтті. Бұл кездесуде WBC, WBA және WBO чемпиондық белбеулері сарапқа салынды.

Алғашқы жекпе-жек 18 мамырда өтіп, Усиктің жеңісімен аяқталған еді. Сол кеште ол XXI ғасырдағы суперауыр салмақтағы алғашқы абсолютті чемпион атанған болатын. Екінші жекпе-жекте де Усик өз шеберлігін дәлелдеп, қарсыласынан тағы басым түсті.

Суретте Усик пен Фьюри жекпе-жегінің төреші бағалары көрсетілген.

Барлық үш төрешінің бағасы бойынша, жекпе-жек 8:4 есебімен Александр Усиктің пайдасына аяқталды.

Соққылар статистикасы бойынша да Усик қарсыласынан оқ бойы озық болды. Бұл жеңіс украиналық чемпионның айқын басымдығын және әлемдік деңгейдегі шеберлігін тағы бір мәрте айшықтады.