Александр Усик қайта өтетін реваншта Тайсон Фьюриді жеңетініне сенімді

Бокс Кеше 23:08

Аружан Темірбек

sports24 сарапшы

WBA, WBO және IBO тұжырымдары бойынша суперауыр салмақтағы әлем чемпионы, украиналық Александр Усик (22-0, 14 КО) Тайсон Фьюриді (34-1-1, 24 КО) алдағы реваншта тағы да жеңетініне сенімді.

Бұл туралы Усик Сауд Арабиясының астанасы Эр-Риядта өткен боксшылардың ресми қарсы алу рәсімінде айтты.

“Сәлем, Эр-Рияд. Мұнда қайта оралғаныма қуаныштымын. Барлықтарыңызды 21 желтоқсан күні күтемін. Мен дайынмын.
Тайсонның нокаутпен жеңетіні туралы сөздері ме? Бұл жай ғана әңгіме. Көре жатармыз. Бұл үлкен шайқас болды, және мен қайтадан жеңетінімді сеземін”, — деді Усик.

Сондай-ақ, украиналық боксшы Тайсон Фьюримен өтетін реванш алдындағы жоспарын бөлісті:

“Жаттығу, демалыс, дұрыс тамақтану және отбасыммен уақыт өткізу. Ұлдарым Кирилл мен Михаил, мен сендерді жақсы көремін. Қыздарым Мария мен Елизавета, сүйікті қыздарым, сендерді қатты жақсы көремін. Сонымен қатар фильм көруді жоспарлап отырмын, осының өзі жеткілікті”, — деді Усик.

Усик пен Фьюри арасындағы реванш 21 желтоқсанда өтеді. Алғашқы жекпе-жекте Александр Усик төрешілердің бөлінген шешімімен жеңіске жеткен болатын.