Аңызға айналған боксшы Рой Джонс Астанаға келді

Бокс Бүгін 00:32

Аружан Темірбек

sports24 сарапшы

Лондон Олимпиадасының чемпионы Серік Сәпиев Instagram желісіндегі Stories бөлімінде атақты боксшы Рой Джонстың Астанаға келгені туралы сурет жариялады.

Аңызға айналған 55 жастағы Рой Джонс 20 желтоқсанда Астанада өтетін ресейлік Fight Nights промоушені ұйымдастырған кәсіпқой бокс кешінің құрметті қонағы ретінде қатысады. Рой Джонс кәсіпқой бокста 76 жекпе-жек өткізіп, оның 66-ында жеңіске жетіп, 10 рет жеңіліс тапқан. Сондай-ақ, ол 1988 жылы Сеул Олимпиадасында күміс медаль алған.

20 желтоқсанда Астанада өтетін бұл кештің басты оқиғасы 31 жастағы қазақстандық Даулет Дәукенов (14-2, 6 KO) пен 34 жастағы эквадорлық боксшы Марлон Агуас (15-2, 9 KO) арасындағы жекпе-жек болмақ.

Қазақстандық боксшы Садриддин Ахмедов әлемдік рейтингтегі орнын жақсартты.