54 келіге дейінгі салмақтағы бокс құрамасының көшбасшысы Жайна Шекербекова күтпеген жерде жеңілді

Бокс 23 қыр 2024 15:19

Аружан Темірбек

sports24 сарапшы

Қарағандыда бокстан «Ең мықтылар турнирі» басталды. Бұл турнир 2024 жылдың соңында өтетін бокстан әйелдер арасындағы Азия чемпионатына іріктеу кезеңі болып табылады.

54 келіге дейінгі салмақта Азияның екі дүркін чемпионы, әлем чемпионатының жүлдегері Жайна Шекербекова алғашқы кездесуін өткізді. Оның қарсыласы шымкенттік Элина Базарова болды. Жекпе-жек тартысты және тең дәрежеде өтті, бірақ төрешілер жеңісті Базароваға берді. Осылайша Қазақстан құрамасының көшбасшысы Шекербекова қатарынан екінші маңызды турнирде жеңілді.

Еске салайық, Жайна сәуір айында Астанада өткен супертурнирде де жетістікке жете алмай, Париждегі Олимпиада ойындарына жолдама алу мүмкіндігінен айырылған болатын.