ВТБ Бірыңғай лигасы: Астана қайтадан ауыр жеңіліске ұшырады

Баскетбол Бүгін 12:27

Павлив Никита

sports24 сарапшы

“Астана” баскетбол клубы ВТБ Бірыңғай лигасының аясында 17 матч өткізіп, әлі күнге дейін бірде-бір жеңіске жете алмады.

4 желтоқсан күні елордаға лиганың үздік төрттігіне кіретін Қазан қаласының УНИКС командасы келді. Ойынның алғашқы он минуттығынан-ақ қонақтардың басымдығы анық байқалды – есеп 26:12 болды. Әрі қарай бұл айырмашылық тек арта берді: үлкен үзіліске дейін – 39:19, үшінші кезеңнен кейін – 69:28, ал ойынның соңғы нәтижесі – 91:38 болып тіркелді.

ВТБ Бірыңғай лигасы. 17-тур. 4-желтоқсан

Астана – УНИКС – 38:91 (12:26; 6:13; 10:30; 10:22)

Келесі матчта “Астана” 8 желтоқсан күні Мәскеуде ойнайды. Қарсыласы – турнирлік кестенің 11-ші сатысында орналасқан МБА командасы.

ҰБА: 4-желтоқсан ойын күнінің нәтижелері