Лука Дончич НБА маусымы басталуға үш апта қалғанда жарақат алды: қайта оралу уақыты әлі белгісіз

Баскетбол 02 қаз 2024 17:21

Аружан Темірбек

sports24 сарапшы

"Даллас Маверикс" командасының баскетболшысы Лука Дончич 2024/2025 жылғы НБА маусымы басталуға үш апта қалғанда жарақат алды, деп хабарлады клубтың баспасөз қызметі.

Словениялық баскетболшы командасының жаттығу жиынында сол жақ сирағын жарақаттады. Бір аптадан кейін ойыншы қайта медициналық тексеруден өтіп, оның қалпына келу уақыты анықталады.

Еске сала кетейік, өткен НБА маусымында 25 жастағы Дончич 70 ойынға қатысып, орта есеппен бір матчта 33,9 ұпай, 9,2 рет доп қағып алу, 9,8 нәтижелі пас және 1,4 рет допты тартып алу көрсеткіштеріне жеткен.