Астана БК ойыншысы бұғатталған соққылар рейтингінде көш бастады

Баскетбол Кеше 01:08

Аружан Темірбек

sports24 сарапшы

“Астана” командасының орталық ойыншысы Галин Смит ВТБ Бірыңғай лигасының блок-шоттар (бұғатталған соққы) бойынша көшбасшысы атанып отыр. 25 жастағы америкалық ойыншы маусымның 2024/2025 жылындағы әр ойында орта есеппен 1,4 блок-шот жасап келеді.

Үздік бестікке сондай-ақ петербургтік “Зенит” командасынан Алекс Пойтресс (1,3 блок-шот), УНИКС ойыншысы Исмаэль Бако (1,3), және “Локомотив-Кубань” ойыншылары Андрей Мартюк пен Айзея Уэйли (әрқайсысы 1,2) енген.

Маусым алдында “Астана” сапын толықтырған Смит команда құрамында 15 матч өткізіп, әр ойында орта есеппен 6,9 ұпай жинап, 5,9 рет допты қайтарып отыр.

Астана командасы чемпионат кестесінде соңғы орында тұр – клуб барлық 15 ойында жеңіліске ұшырады.
28 қарашада “Астана” өз алаңында “Самарамен” кездеседі.